ប៉ុន្មានម៉ោងមុននេះមានឮព័ត៌មានក្ដៅៗថាបណ្ដាញទំនាក់ទំនងសង្គម Facebookនឹងធ្វើការបង្ហាញFacebook Phoneនៅនេះ។ តើ Facebook ពិតជាបង្ហាញទូរស័ព្ទដំបូងរបស់ខ្លួនមែន ឬយ៉ាងណា?
បើផ្អែកតាមការសរសេរសេចក្ដីផ្ដើមរបស់គេហទំព័រ Thinkdigit ម្សិលមិញ បានឲ្យដឹងថា Facebookគ្រោង
បង្ហាញទូរស័ព្ទដំបូងគេនៅទីស្នាក់ការធំរបស់ខ្លួនក្នុងក្រុង
Menlo Parkក្នុងរដ្ឋCalifornia
សហរដ្ឋអាមេរិកនិងនៅទីក្រុងឡុងប្រទេសអង់គ្លេសថ្ងៃទី ១៥
មករានេះ។
ទូរស័ព្ទប៉ាន់Facebook ដែលល្បីថាចេញថ្ងៃទី ១៥ មករា ស្អែកនេះ
បន្ទាប់ពីមានចចាមអារ៉ាមពី Facebook
Phone រសាត់បាត់អស់មួយរយៈទៅ
ថ្ងៃនេះស្រាប់តែលេចឮមកម្ដងទៀតហើយ។ តើម្ដងនេះ Facebook
ពិតជាបង្ហាញមែនឬក៏យ៉ាងណានោះទេ?ស្រដៀងគ្នានេះដែរ គេហទំព័រ Business Insider បានឲ្យដឹងថា៖មានប្រភពជាច្រើនបាននិយាយថា Facebook ប្រាកដជាបង្ហាញ Facebook Phone នៅថ្ងៃស្អែកនេះ។ ទោះបីជាយ៉ាងណាពុំមានចម្លើយជាក់លាក់បង្ហាញដោយក្រុមហ៊ុន ទំនាក់ទំនងសង្គមយក្សមួយនេះឡើយ។
កាលពីចុងឆ្នាំ ២០១២លោក Mark Zuckerberg ស្ថាបនិកនិងនាយកប្រតិបត្តិរបស់ Facebook បានថ្លែងទៅកាន់គេហទំព័រ TechCrunch រូបលោកនឹងផលិត Facebook Phone បើមានឧកាស។
គួរបញ្ជាក់ផងដែរថា កន្លងទៅនេះក៏មានព័ត៌មានចចាមអារ៉ាមជាច្រើន ជុំវិញបណ្ដាញសង្គមដ៏ធំបំផុតចង់ប្រឡូកខ្លួនចូលទីផ្សារទូរស័ព្ទ។
